Дүкеннен сатып алған киімдерді неге жуу қажет?

Бұл шара сіздің алдыңызда киімді киіп көрген адамның қотыр болу ықтималдығына байланысты емес. Дегенмен дүкеннен сатып алған киім-кешек қаптамасынан ашылмаған, ешкім киіп үлгермеген болса да, оны жуып алыңыз. Оның себебін түсіндірейін

Сөреге жеткенше киім-кешектер өңдеуден өтеді 

Бірінші кезең — ағарту. Бастапқыда барлық табиғи маталар (жіптер) қоңырқай түсті. Оларды табиғи түсінен айыру үшін хлорға, сутек тотығына, қышқылдарға және басқа да ағартқыштарға салады. Кептіріп, үрлейді. Мата бетінде не қалады? Әлбетте ағартқыш ерітінділердің қалдықтары. Тіпті еріткіштермен реакцияға түскен пигмент қалдықтарының болуы да ғажап емес.

Егер жаңа тігілген киімді кисеңіз, оның үстіне теріңіз сезімтал болса, аллергиялық реакция алуыңыз мүмкін.

Ал, мен ақ түсті киім кимеймін дейсіз ғой?

Ендеше екінші кезең — матаны бояу немесе бетіне сурет түсіру

Дәл сол процедура. Ылғал бояу (анилин азобояулар) матаға жағылады, содан соң кептіріледі. Мата неғұрлым қалың, фактуралы болса, кеуіп қалған бояулардың микробөлшектері соғұрлым көп қалады.

Негізінен көпшілік анилин бояулар канцерогендер. Кейде бояулар жоғары температурадан қатып қалып, суда ерімеуі мүмкін. Кейін сіз терлегенде денеңізге түседі.

Мен мүлдем боялған және ағартылған киімдерді кимеймін дейсіз бе? Жақсы

Үшінші кезең — сатылымға дейінгі дайындық

Сіз тек шоурум, бутиктерден ғана киінесіз делік. Гастарбайтерлер түні бойы тігетін цехтардың санитарлық жағдайы туралы айтпай-ақ қояйын.

Ең табиғи деген дайын киім-кешек Қытайдан дүкенге жеткенше зең басып, көгермеуі үшін, бүктеліп мыжылмауы үшін өңделеді.

Киім су сіңірмейтін ерітінділермен бүркіледі. Оның гипоаллергендігі туралы айту артық. Сонымен қоса, формальдегидті шайырмен өңдеу процесі бар. Бұл киім қатты мыжылмауы үшін қажет.

Жіп иірілетін станоктан дүкен сөресіне жеткенше матаны, киімді ешкім жумайды. Оған тек сіздің теріңізге ұнамды бола қоймайтын ерітінділер мен қоспалар жағылады.

Айтпақшы, сіз сатып алған көйлек үстіне сыймаған сепкіл бет, сары қыз ше? Өзі тершең қыз сияқты ғой…

Пікірлер

Пікір жазыңыз

Ваш e-mail не будет опубликован.

Мына мақалалар да ұнап қалар?